对公众（尤其育龄妇女）摄取铁质的联合建议

政府电视宣传短片

Facebook 帖文

2024年11月8日

【「铁」人💪是怎样练成的？】
讲咗咁多「铁」知识，其实一句到尾，预防缺铁嘅不二法门就系 #维持健康均衡饮食🥗
点为之均衡饮食? 食乜嘢、食几多先啱?
1️⃣鱼、肉、蛋🐟🍗🥚：每日进食5至8両各式各样嘅鱼、肉、蛋或者植物性蛋白质（如豆类、豆制品），当中唔单止蕴含丰富铁质，仲提供咗其他重要营养素，帮助我哋保持活力！⚡
2️⃣蔬菜🥦🥬：每日至少进食3份蔬菜 (约1碗半煮熟蔬菜)，当中菠菜、羽衣甘蓝等深绿色蔬菜蕴含丰富铁质、纤维同维生素，对身体非常有益！🌱
3️⃣水果🍊🍓：每日进食2份水果，尤其餐后大推维生素C丰富嘅水果，例如奇异果、柑橘类、士多啤梨等等。维生素C能够促进铁质吸收，仲可以提升免疫力！🍏✨
均衡饮食对人体摄取足够铁质真系非常重要，希望大家都可以袋稳以上补铁小贴士，做个健康「铁」人！🏋️‍♀️💖

2024年11月6日

【⾼危⼈⼠…铁质补充剂💊?!】
虽则话香港人缺铁普遍率属于「轻度公共卫生问题」，但以下人士其实系比较高危㗎：
🔸 月经量多嘅育龄妇女👩‍
🔸 孕妇🤰
🔸 有饮食限制嘅人士🍽️
🔸 患有肠胃道疾病及／或曾经接受肠胃道手术人士🏥
🔸 经常捐血人士💉
如果你属于上述群组，不妨揾医护人员倾倾，评估吓有无需要服用铁质补充剂(铁丸)。但留意⚠️⚠️乱食铁丸可能会导致肠胃不适, 甚至对身体有害🤢🤒，一定要遵循医生指示服用，并定期跟进服用效果，做个精明补「铁」人💪🏻

2024年11月4日

【铁质小偷出没注意🚨】
你知唔知，茶🍵同咖啡☕系「铁质小偷」，会偷走你体内嘅铁质㗎？😱💔
研究显示，茶同咖啡里面嘅 #单宁酸，会阻碍身体吸收铁质。不过又唔洗咁担心！唔系唔可以饮，只系要睇准时机⏰，饭后一至两小时尽量避免饮茶同咖啡！
相比茶同咖啡，清水💧同清新嘅柠檬水🍋就系最理想嘅餐饮选择喇！其中柠檬水唔单止可以补充水分，里面嘅维生素C有利人体吸收铁质，可以话一举多得呀👏✨
醒目嘅你，以后识拣啦😉

2024年10月30日

⭐【「素」铁质小贴士】⭐
🌱🥗上回提到，由植物提供嘅「非血红素铁质」对比起由肉类供应嘅「血红素铁质」，较难被人体吸收😱，咁如果系「素」友，「走肉」应该点部署？🤔
进食豆类、果仁同深绿色蔬菜等高铁植物（例如大豆、腰果同菠菜）嘅时候，记得搭配维生素C含量较为丰富嘅蔬菜（例如青椒🌶️、西兰花🥦）同生果（例如奇异果🥝、士多啤梨🍓），因为维生素C可以提高「非血红素铁质」吸收，仲可增加身体抗氧化能力！但要留意，维生素C会被水溶解，亦容易被热力破坏，所以要避免长时间浸洗同烹煮。
另外，茶同咖啡会阻碍身体吸收铁质，所以用膳同饭后1至2小时内最好避免饮茶同咖啡。醒目嘅你可以选择饮清水或者柠檬🍋水
紧记以上小贴士✨，「素」友都可以轻松摄取铁，保持健康体魄💚

2024年10月28日

⭐【「铁」三宝】⭐
🌊🍽️ 喂喂喂！讲个秘密畀你听，鱼、肉同海产其实系我哋健康嘅秘密「铁」三宝！🐠
我哋喺食物摄取嘅铁质有两种，分别系由肉类供应嘅「血红素铁质」，同埋由植物提供嘅「非血红素铁质」，两者中以前者较容易被人体吸收。
所以，我哋多食鱼、肉同海产，就可以补充容易被人体吸收嘅「血红素铁质」嚟摄取铁嘞！不过，凡事都要适可而止！根据世界癌症研究基金会嘅建议，每星期进食熟红肉🍖唔好超过500克（相等于烹调前约700至750克），同时要避免火腿、烟肉同香肠等加工肉类❌🚫
食得有窍妙！肉类中嘅「血红素铁质」可以帮助身体吸收植物入面嘅「非血红素铁质」，只要我哋饮食均衡，食肉之余同时搭配铁质丰富嘅深绿色蔬菜同豆类，用餐后再食个维生素C丰富嘅靓靓生果🍎🍊🍋🍇🍓，咁食咗落肚嘅铁质就更容易被身体吸收，补充足够嘅铁喇！蔬菜同豆类仲可以预防癌症, Win-Win 双赢呀✌🏻✌🏻
快啲规划下你嘅日常餐单，精明摄取铁质，做个醒目有「铁」之士！🌟😎

2024年10月21日

🌟【缺铁危机！】🌟
2020-22年度人口健康调查显示，本港15至84岁人士当中， 5.7%人 #缺铁😱 ，而育龄妇女（15至49岁）更高达17.5%！即系话，每6位育龄妇女就有1位缺铁，真系唔讲得笑💔
男士同更年期后女士（50至84岁）嘅缺铁普遍率就相对低啲，分别系0.7%同2.7%。
虽然根据世卫指引，香港人（包括育龄妇女）嘅缺铁情况只属于「轻度公共卫生问题」，⽽且同其他⾼收入国家相若，但都唔可以掉以轻心呀💡
持续缺铁会导致缺铁性贫⾎，可以引致疲倦乏力！所以，无论你属于边个年龄层，记得要透过饮食摄取足够铁质🥗🍖，齐齐做「铁」人💪✨！
关心自己同身边人嘅健康，保持活力💪💪