對公眾（尤其育齡婦女）攝取鐵質的聯合建議
政府電視宣傳短片
Facebook 帖文
2024年11月8日
【「鐵」人💪是怎樣練成的？】
講咗咁多「鐵」知識，其實一句到尾，預防缺鐵嘅不二法門就係 #維持健康均衡飲食🥗
點為之均衡飲食? 食乜嘢、食幾多先啱?
1️⃣魚、肉、蛋🐟🍗🥚：每日進食5至8両各式各樣嘅魚、肉、蛋或者植物性蛋白質（如豆類、豆製品），當中唔單止蘊含豐富鐵質，仲提供咗其他重要營養素，幫助我哋保持活力！⚡
2️⃣蔬菜🥦🥬：每日至少進食3份蔬菜 (約1碗半煮熟蔬菜)，當中菠菜、羽衣甘藍等深綠色蔬菜蘊含豐富鐵質、纖維同維生素，對身體非常有益！🌱
3️⃣水果🍊🍓：每日進食2份水果，尤其餐後大推維生素C豐富嘅水果，例如奇異果、柑橘類、士多啤梨等等。維生素C能夠促進鐵質吸收，仲可以提升免疫力！🍏✨
均衡飲食對人體攝取足夠鐵質真係非常重要，希望大家都可以袋穩以上補鐵小貼士，做個健康「鐵」人！🏋️♀️💖
2024年11月6日
【⾼危⼈⼠…鐵質補充劑💊?!】
雖則話香港人缺鐵普遍率屬於「輕度公共衞生問題」，但以下人士其實係比較高危㗎：
🔸 月經量多嘅育齡婦女👩
🔸 孕婦🤰
🔸 有飲食限制嘅人士🍽️
🔸 患有腸胃道疾病及／或曾經接受腸胃道手術人士🏥
🔸 經常捐血人士💉
如果你屬於上述群組，不妨搵醫護人員傾傾，評估吓有無需要服用鐵質補充劑(鐵丸)。但留意⚠️⚠️亂食鐵丸可能會導致腸胃不適, 甚至對身體有害🤢🤒，一定要遵循醫生指示服用，並定期跟進服用效果，做個精明補「鐵」人💪🏻
2024年11月4日
【鐵質小偷 出沒注意🚨】
你知唔知，茶🍵同咖啡☕係「鐵質小偷」，會偷走你體內嘅鐵質㗎？😱💔
研究顯示，茶同咖啡裡面嘅 #單寧酸，會阻礙身體吸收鐵質。不過又唔洗咁擔心！唔係唔可以飲，只係要睇準時機⏰，飯後一至兩小時盡量避免飲茶同咖啡！
相比茶同咖啡，清水💧同清新嘅檸檬水🍋就係最理想嘅餐飲選擇喇！其中檸檬水唔單止可以補充水分，裡面嘅維生素C有利人體吸收鐵質，可以話一舉多得呀👏✨
醒目嘅你，以後識揀啦😉
2024年10月30日
⭐【「素」鐵質小貼士】⭐
🌱🥗上回提到，由植物提供嘅「非血紅素鐵質」對比起由肉類供應嘅「血紅素鐵質」，較難被人體吸收😱，咁如果係「素」友，「走肉」應該點部署？🤔
進食豆類、果仁同深綠色蔬菜等高鐵植物（例如大豆、腰果同菠菜）嘅時候，記得搭配維生素C含量較為豐富嘅蔬菜（例如青椒🌶️、西蘭花🥦）同生果（例如奇異果🥝、士多啤梨🍓），因為維生素C可以提高「非血紅素鐵質」吸收，仲可增加身體抗氧化能力！但要留意，維生素C會被水溶解，亦容易被熱力破壞，所以要避免長時間浸洗同烹煮。
另外，茶同咖啡會阻礙身體吸收鐵質，所以用膳同飯後1至2小時內最好避免飲茶同咖啡。醒目嘅你可以選擇飲清水或者檸檬🍋水
緊記以上小貼士✨，「素」友都可以輕鬆攝取鐵，保持健康體魄💚
2024年10月28日
⭐【「鐵」三寶】⭐
🌊🍽️ 喂喂喂！講個秘密畀你聽，魚、肉同海產其實係我哋健康嘅秘密「鐵」三寶！🐠
我哋喺食物攝取嘅鐵質有兩種，分別係由肉類供應嘅 「血紅素鐵質」，同埋由植物提供嘅「非血紅素鐵質」，兩者中以前者較容易被人體吸收。
所以，我哋多食魚、肉同海產，就可以補充容易被人體吸收嘅「血紅素鐵質」嚟攝取鐵嘞！ 不過，凡事都要適可而止！根據世界癌症研究基金會嘅建議，每星期進食熟紅肉🍖唔好超過500克（相等於烹調前約700至750克），同時要避免火腿、煙肉同香腸等加工肉類❌🚫
食得有竅妙！肉類中嘅「血紅素鐵質」可以幫助身體吸收植物入面嘅「非血紅素鐵質」，只要我哋飲食均衡，食肉之餘同時搭配鐵質豐富嘅深綠色蔬菜同豆類，用餐後再食個維生素C豐富嘅靚靚生果🍎🍊🍋🍇🍓，咁食咗落肚嘅鐵質就更容易被身體吸收，補充足夠嘅鐵喇！蔬菜同豆類仲可以預防癌症, Win-Win 雙贏呀✌🏻✌🏻
快啲規劃下你嘅日常餐單，精明攝取鐵質，做個醒目有「鐵」之士！🌟😎
2024年10月21日
🌟【缺鐵危機！】🌟
2020-22年度人口健康調查顯示，本港15至84歲人士當中， 5.7%人 #缺鐵😱 ，而育齡婦女（15至49歲）更高達17.5%！即係話，每6位育齡婦女就有1位缺鐵，真係唔講得笑💔
男士同更年期後女士（50至84歲）嘅缺鐵普遍率就相對低啲，分別係0.7%同2.7%。
雖然根據世衞指引，香港人（包括育齡婦女）嘅缺鐵情況只屬於「輕度公共衞生問題」，⽽且同其他⾼收入國家相若，但都唔可以掉以輕心呀💡
持續缺鐵會導致缺鐵性貧⾎，可以引致疲倦乏力！所以，無論你屬於邊個年齡層，記得要透過飲食攝取足夠鐵質🥗🍖，齊齊做「鐵」人💪✨！
關心自己同身邊人嘅健康，保持活力💪💪